Tuesday, January 31, 2012

ඈ......අභිනිශ්ක්‍රමණය කලාය...


ඇයි තේරැම් නොගන්නේ..
බැහැ මට මුලු එකම ඕනේ..
කොටස් එපා..
දෙනවා නම් මුලු එකම දෙන්න..
දෙන්න බැරි බව දැන දැන....
ඇයි මට වද දෙන්නේ..
බෙදන්න බැහැ මට...
මේ ෆැන්ටසිය මට එපා...
ඒත් මට වෙන දෙන්න දෙයක් නැහැ...
මෙච්චර දුර ආවේ දැනගෙන නෙමෙයිද ?
දන්නවා..
ඒත් මට බැහැ තව දුර යන්න...
භාග වලින් සෑහෙන්න බැහැ මට..
හැමෝම වගේමයි ඔයත්..
ඔව් මමත් ගැහැණියෙක්...
මම අසරණයි..
මට කරන්න දෙයක් නැහැ ඒකට..
මට සරණක් වෙන්න බැහැ..
ආදරේ මහ ආත්මාර්ථකාමියි..
ඔව් වෙන්න ඇති
ඕන උනේ විඳින්න පුරුදු කරන්න..
දැන් මට විඳවන්න වෙලා..
මම දන්නැ ඒක..
දෙනවද නැද්ද...
මම උත්තර දීලා ඉවරයි..
මම යන්නද ?..
කැමැත්තක් කරන්න...
මම මෙතනම ඉන්නවා..
වැඩක් වෙන එකක් නැහැ..
කමක් නැහැ...
මම කැමතියි අතරමන් වෙන්න..
මට අනුකම්පාවක් ඇති වෙන එකක් නැහැ...
ඔව්...
ඒත් ආදරයක් ඇතිවෙයි....
එහෙම උනොත් එන්න...
මම වෙනදා වගේම...
වෙනදා වෙලවෙටම..
මේ බංකුවේ ඉන්නවා...
මම යනවා....
කොහොම නවතින්න කියන්නද ?...
මේ...
ආයිත් පටන් ගත්ත තැනටම එන්නද හදන්නේ...
ඉන්න බැරිද.....
කරැණාකරලා....
බැහැ....
මම යනවා....
ඈ...
සමුදෙන්නත් කලින්ම ගිහින්....

ජීවිතය හැරී බලමි - පස්වැනි පැටළුම



සුන්දරම පැය කීපයක් ගෙවුනා "අනූ" එක්ක.... එයා ගොඩක් සතුටින්.....

මම ගොඩක් සතුටින් ජානු... එත් මට බයයි... මේ සතුට හැමදාම පවතියිද කියලා...

හැම වෙලේම අසුභවාදීව කල්පනා කරන්න එපා "අනු"..

අපිට වරදින්නේ නැහැ... මොන ප්‍රශ්නේ ආවත් මම ඔයාව අමතක කරන්නේ නැහැ... මම බයත් නැහැ.... ඔයාව මගේ ලඟට ගන්න හිතුවේ මට මුන දෙන්න වෙයි කියලා හිතෙන හැම ප්‍රශ්ණයක් ගැනම කල්පනා කරලා...

මගේ ලඟින් ඉන්න.... මම ඔයාගෙන් ඉල්ලන්නේ එච්චරයි...

මම හැමදාමත් ඔයා ලඟ ඉන්නවා ජානු

ඒත් මම ඉන්නේ හිර ගේක... අපේ අම්මලා මාව ඒ හිර කූඩුවේ  හිර කරලා... යතුර රොහාන්ගේ අතට දීලා තියෙන්නේ..... මට බයයි ඔයා ගැන....රොහාන් මට නිතරම කියන්නේ ...

එයාගෙන් ඈත් වෙන්න හැදුවොත්... කවදාවත් මට සතුටින් ඉන්න දෙන්නෙ නැහැ කියලා..... එයා දන්නවා මම එයත් එක්ක ඉන්නේ සතුටින් නෙමෙයි කියන එක....

ඇයි මට කියලා මගේ කියලා ජීවිතයක් මට නැත්තේ ජානු... ඇයි හැමකෙනෙක්ම එකතු වෙලා මගේ සතුට නැති කරන්න හදන්නේ....

මම ඔයාව බලාගන්නම්....  ගොඩක් දේ අතඅරින්න වෙයි "අනූ".... මම එකට ලෑස්තියි.... මට පුලුවන් ඔයා වෙනුවෙන් ඒ හැම දෙයක්ම කරන්න...

ඔයා මගේ ලග ඉන්න..... මම රොහාන්ගේ හිරගෙදරින් ඔයාව නිදහස් කරගන්නම්....

"අනූ" ගේ ඇගිලි වලට මගේ ඇගිලි හිර උනා.... කවදාවත් වෙන් කරන්න බැරි තරමේ හැගීමකින්....

අපි යමු...... 


"අනූ" ගේ බීම විදුරැවේ අන්තිම උගුරත් කටට හලාගත්තත මම ඉස්සර උනා..."අනූ" මගේ පස්සෙන් වැටුනා...
--------------------------------- 
පස්වෙනි පාරටත් මම කාර්යාල දොර දිහා බැළුවේ තාමත් ඒ සුවද නොදැනුන නිසා.... හැමදාම උදේම දකින්න බලාපොරොත්තු වෙන් ඉන්න ඒ ඇස් දෙක මා ඉදිරියේ නැති නිසා.....

මොකද ජානක සර්.. සැරින් සැරේ දොර දිහා බලන්නේ ... කවුරු එනකම්ද..?

මාලි මිස්ගේ හීනි හිනාවක් එක්ක ඇහැව්වා.....

ඒ එක්කම වගේ මට සුපුරුදු ඒ සුවඳ නාස් පුඩු අතරට දැනුනා... 

ගුඩ් මොර්නින්... මාලි මිස්.... ගුඩ් මෝනින් ජානු.....

ජානු... ඒ මොකෙක්ද ඒ.... වගේ බැල්මකින් මාලි මිස් මා දිහා බැලුවා.

ගුඩ් මෝනින්.... පැය භාගයක් පරක්කුයි මිස් අනු අද....

මාලි මිස්ගෙ අවධානය වෙන අතකට ගන්න මගේ රාජකාරී වාක්‍ය මම පාවිච්චි කලා......

අනේ සොරි මිස්ටර් ජානක... අද බස් එක කැඩුනා මගදී.... ඒකයි..... 
----------------------------------------
හරි වැඩේ නේද උනේ ජානු... මාලි මිස්ට තේරුනාද දන්නෑ....

මොකො නොතේරෙන්නේ... මාලි මිස් බබෙක් ද ?

හරි වැඩේ ජානු උනේ... එදා යනකොට රොහාන් බොරැල්ලට ඇවිත් හිටියා..... වෙනදට වැඩිය පැයක් විතර පරක්කුයි නේ.... ප්‍රශ්ණ වැලයි.... ඇයි පරක්කු උනේ.... කියලා......

මගේ වෙනසක් දැනිලද මන්දා... ඔයාගේ වැඩ මතක් වෙලා මට තනියම හිනා ගියා....

මගෙන් හාර හාර අහනවා ඇයි තනියම හිනා උනේ... මොකක්ද මතක් උනේ කියලා....
ගෙදර ගිහිල්ලත් එහෙමයි..

අම්මටත් වෙනසක් දැනිලා ද මන් දා.....

මට බයයි ජානු...... 

හ්ම්..... එන විදියට මුන දෙමු “අනූ“.... හැමතිස්සේම දුකම හිතන්න එපා.... කඳුළු අතරන් හිනා වෙන්න උත්සහා කරන්න....

මුලු කැන්ටිමම හිස්.... අපි යමු..... මම නැගිට්ටා.... අනූ එතනමයි....

වටපිට බලලා එකපාරටම පාත් වෙලා අනූගේ තොල් පෙති දෙකට හාද්දක් දුන්නෙ "අනූ" ටත් හිතාගන්න බැරි තරම් වේගෙකින්.....

හැම මොහොතෙම බය වෙලා ඉන්න මුවැත්තියගේ කන් පෙති රතු උනේ නිමේෂයකින්...... මම මුකුත් නොකියම කාර්යාලය පැත්තට අඩිය ඉක්මන් කලා....

අනූ එක්ක ගෙවෙන හැම දවසක්ම සුන්දරයි.... හැම මොහොතක්ම හිතේ ආදරය වැඩි වෙනවා....

"අනූ" ගොඩක් සතුටින්... ඒත්.....
----------------------------------------------
කාර්යාලේ ඔරලෝසුව දිහාත්... ගොරවන අහස දිහාත් බැලුවේ යන්න සුදානමින් කාර්යාලයට ආපු අනූ ගේ හඬට... 

අද යන්නේ නැද්ද.....

යමු එහෙනම්... ඔයා යන්න ඉස්සර වෙලා මම එන්නම්....

වහිනවා ජානු... කුඩයක් නැහැ නේද ?

ඇයි තියෙන්නේ ඔයා ලඟ... අද තුරුල් වෙලා යන්න පුලුවන්.....

එන්න ඉක්මනට.... තෙමෙයි.....

කියාගෙනම අනූ එලියට බැස්සා.....

මමත් පොත අත්සන් කරලා අඩියට දෙකට අනූ පස්සෙන් වැටුනේ ඉක්මනින් කුඩේ යටට යන්න....

පුංචි කුඩේ යට මම අනූට තුරුල් උනා.... අපි දෙන්නවම තෙමෙනවා.... 


මම කිටි කිටියේ අනූව තුරුල් තුරුල් කරගත්තා මගේ ඇඟට..... 


වැස්සට හේදිලා ගලන වතුර අපේ කකුල් අතරින් ගලාගෙන ගියේ ගමන පමා කරමින්....


තෙමෙනවා "අනු".. ඔයා හොඳමට තෙමිලා...


"අනූ" නොතෙමී ඉන්න ලොකු උත්සහයක් යෙදෙනවා... 


වැස්ස වහින්නෙ හරහට... අකුණු පුපුරනවා...


"අනූ" ගේ ඇඳුම් තෙමිලා හොඳටම...


අපි අමාරැවෙන් බස් නැවතුමට ආවා....

අනේ ජානු... කොහොමද මෙහෙම බස් එකකට නගින්නේ... තෙත බරියන් වෙච්ච අනූගේ ඇඳුම් ඇඟට ඇලිලා...


එහෙනම් අද අපේ ගෙදර යමු....


හොඳට හිටියි.... නැන්දම්මා කියයි බඳින්න කලින් ලේලි ගෙවල් ගානේ රිංගන්න ඇවිත් කියලා....


මම පාර දිහා බැලුවේ බස් එකක් එනවද කියලා....


"අනූ" ගේ ඇඟිලි වලට මැදි වෙලා තිබුන මගේ අත හිර උනා එකපාරටම.... මම "අනූ" දිහා බැලුවා.....


අනේ ජානු.... රොහාන්..... සුදු අක්කගේ කඩේ ඉඳලා එළියට පැන්නේ කොටියෙක් ගොදුරකට පනිනවා වගේ..


පට්ට බැල්ලි.....


පාරෙන් පැන්න රොහාන් ගේ අත "අනූ" කම්මුලේ පතිත තප්ප වෙන්න රයක් වත් ගියේ නැහැ..... "අනූ" විසිවෙලා වැටුනා....


තෝ පරයා..... තෝ දන්නවා නේද යකෝ මේකි මගේ කියලා.... 


රොහාන් අතඇරපන් ෂර්ට් එකෙන්.... 


තොට ගහගන්න ඕනේ නම් ‍අපි වෙන තැනකට යමු... මේ මහපාර..


හිතන්න දෙයක් නොහිතාම රොහාන් ගේ අත මිටි මොලවපු පාරවල් කීපයක් මගේ මුණ පුරා වැදුනා....


අනේ රොහාන් ජානූ ට ගහන්න එපා.... එයා වරදි නැහැ ... මමයි වැරදි.... "අනූ" රොහාන්ගේ අතේ එල්ලුනා... 


"චටාස්" රොහාන් තවත් පාරක් ගැහුවා "අනූ" ට....


අඩෝ... කැ.... පො...... තො ගෑණුන්ට ගහ්නන ලැජ්ජා නැද්ද යකෝ


මගේ ඉවසීම පුපුරලා ගියා..... පැනපු ගමන් රොහානට මුන හරහා පාරක් ගැහැව්වා... කොහොම ශක්තියක් ආවද මන්දා... 


රොහාන් දෙකයි හතරේ එකෙක්..... බෙල්ල අත මැද්දට හිර කරගත්ත පාරට මාව ඌත් රක්කම විසිවෙලා කාණූවට වැටුනා.....


සුදු අක්කගේ මහත්තයයි... තව කීපදෙනෙකුයි වට උනේ වැස්ස නොබලාම...


හොඳයි අපි බලාගමු... තෝ හිතාගනින්..... රොහාන්ගේ තර්ජනය....


හරි හරි අපි බලාගන්නම් එයා ගැන... අපි තමුසේ ගැන බලාගන්න කලින් යනවා....


තෝ නිසා තමයි ඔක්කම ... යමන් ගෙදර මම අද බලාගන්නම තෝ ගැන... රොහාන් "අනූ" ගේ අතින් ඇදගෙන අනිත් බස් නැවතුම පැත්තට ගියා....


වැස්ස පායලා....


රොහාන්ගේ මුන දෙපැත්තෙන් ලේ පාරක් යනවා.... මගේ අත් දෙකම පතුරැ ගිහින්...
ෂර්ට් එක පුරාම ලේ.... මුලු ලෝකෙම නැවතිලා...... 


ඈත යනු "අනූ" දිහා මම බලාගෙන හිටියා.......

Thursday, January 26, 2012

ආදර පැය....... (කෙටිම කෙටි කථාවක්....)


වෙලාව 12.05 යි.... වෙනදා වගේම වෙනදා වෙලාවටම ඇවිත්..... වෙනදා වාඩි වෙන පුටුවෙම ඇය වැඩි උ‍නා...

ඔයා වෙනස් වෙලා
එහෙනම් මොනවා ද කරන්න කියන්නේ
මැරන්න ද
තරහ ගිහින් නේද
නැහැ ඇවිත්
හා..මම යන්නම් එහෙනම්
මොනවද හා
තරහ ආවම ඉන්න හොද නැහැ
කැමැත්තක් 
හ්ම්
මොකාද කියන්නේ,
හ්ම්
යන්න ඕනේ නම් යන්න
සදහටම ?
පුලුවන් ද
හ්ම් බැරි නැහැ
එහෙමද
යන්න වෙනවා
ගියපු අයත් ඉන්නවා
ළගට ගන්න මාව
මගේ කර ගන්න
සදහටම
පුලුවන ද ?
ආවොත්, තියාගන්නම් සදහට
එතකොට එයාලට මොකද වෙන්නේ ?
හ්ම්....
තරහද
බනින්නෙපා
හා
ඉස්සර වගේ නැහැ නේද දැන් අපි දෙන්නා

හ්ම්
එහෙම දෙයක් නැහැ
හ්ම්
මම යනවා
ඔයා වෙනස් වෙලා
මම ද
මම එතනම ඉන්නවා
හා, මම වෙනස් වෙලා, ඒකයි මේ
ඇයි දැන් මම ද වෙනස් 
මම යනව
ම වෙනස් වෙලාද
නැහැ
එපා යන්න
මම වෙනස් වෙලා ඒකයි මේ 
හ්ම්
මට හැමදේම ඇද
මොනවද ඇද
මුකුත් නැහැ
පොඩි දෙයක් කියන්නම්
කියන්න
අද දවසට ඔයා මට එස් එම් එස් කීයක් එව්වද ? 
එක සැරයක වත් නෑ
මම කීසරැයක් ඔයාට එස් එම් එස් එව්වද ? 
ගොඩාක් සැරයක්
හ්ම්
මම වෙනස් වෙලා, ඔයා හරි
ඒක සැරින් සැරේ වෙනවානේ
ඔවු, මට එක හිතක් නැහැ
මොනවැයි ඕව්
හිත එකතැන තියා ගන්නත් විදිහක් නැහැ
ඔව් ඒක ඇත්ත
මම වෙන කෙනෙක්ට ආදරේ නැහැ
මම දන්නවා
ඔයාටයි ආදරේ
ඔයා මට  තමයි ආදරේ කියලා
ඒත් මට එක හිතින් ඉන්න අමාරයි
හ්ම්, කමක් නැහැ..ආදරේ නේ
ඔව්... ගොඩක්
ඒ ඇති මට, මට වෙනස් වෙන එක දරාගන්න පුලුවන්
වෙන කෙනෙක්ට ආදරේ හිතුන දවසක ඔයාට කියන්නම්
හා, හොඳයි
ඒත් මට හදිසියි දැන්‍, කසාද බදින්න
හා,බඳින්න
කසාද බදින්න ආදරේ ඕනි නැහැ
හ්ම්
වෙන්නැති
මම දැන ගත්ත විදිහට
මට දැනුන විදිහට
කසාද බදින්න ඕනි මවා පෑම මිසක්
ආදරය නෙමෙයි
ගොඩක් වෙලාවට වෙන්නේ ඒක
මවාපෑම තමයි ආදරේ විදියට දකින්නේ
කන පැලෙන්න බොන එකා ආදරේ කරන කාලේ 
කියන්නේ බොන්නේ නැහැ කියලා
හැබැයි කසාද බැන්දට පස්සේ බොනව
ඉතිං අවුල් ප්‍රශ්ණ
හ්ම්
මම කසාද බැන්දත් ඔයාගෙයි මගෙයි මෙහෙම 
ආදරයක් තිබ්බ විත්තයි එයාට කියනවා
කැමැත්ක්
එහෙම උනොත් ඔයාට ආයි ඔෆිස් එන්න ලැබෙන්නේ නැහැ
මම දන්නව ඒක
හිතේ හංගන් දුක් විදිනවට වඩා කියල දාන ඒක හොදයි
මට හරි බයයි
මොනවටද බය
හිනෙන් හරි ඔයාගෙ නම කියවෙයි කියලා
පිරිත් කියලා නිදාගන්න
එතකොට විකාර හීන පේන එකක් නැහැ
හා
අනලා බත් කටක් කවන්නද ?
එපා
ඔයා කන්න
ඒමොකෝ
හා
ඒකත් මවා පෑමක් නිසා
අප්පිරියියද මම අනපුවා කන්න
එහෙම අප්පිරියාවක් නැහැ
ඒත් මට එපා
හ්ම් 
මොනවැයි ඒකේ තියන මවා පෑම
මම කීවේ මට හිතට ආපු හැඟීම
වෙනදට අනිවාර්යෙන්ම කවනවා නේ
ඒත් හැමදාම කවන්න බැහැනේ
කරන්න බැරිදේ කරල කියල පෙන්වන එක 
මවා පෑම නෙමෙයි ද
හ්ම්
කැමැත්තක්
ඔයා බඳින්න
එතකොට එයාට කියලා කවා ගන්න පුලුවන්
හි හි
කවයි
කසාද දවසෙ කාටත් පේන්න
ඊට පස්සෙ කවන එකක් නැහැ
ඇයි ඒ
ඔයා කවලා පුරුදු කරන්න
ඕනි නැහැ
එයත් මට නෙමෙයි වෙන කෙනෙක්ට ආදරය කරයි හිතින්
මාත් එක්ක ඉඳීයි
වෙන කෙනෙක්ට හිත දෙයි
ඒ එහෙම උනොත් නේ
එහෙම තමයි වෙන්නෙ
මොකද මට වෙන කෙනෙක් බදින්න
මට බදින්න වෙන්නේ
කොහොමද මම මේ තත්වෙන් බඳින්නේ
මම යනවා
1.05 යි.. වෙලාව ඉවරයි
හ්ම්
බුදු සරණයි
හා
මම හැමදාම ඉන්නවා
යන්නම්
ආදරෙයි.....

Monday, January 23, 2012

අභිනිශ්ක්‍රමණය...අත්හලෙමි.......



ලෝකය දකිමි
ඇත්ත ඇති ලෙස
බොරුවය හැම තැනම
දුකකි ලෙඩවීම
මේ වයසට යෑම
මරණයට ලංවීම
නිවනමයි සැනසීම
දැන දැනත් මේ ඇත්ත
එන්නෙමි ඔබ පසුපසම
එළවා ගතිමි සිහිය
හැරෙන්නට බැහැ ඒත්
මේ යන ගමන දුර
ගෙවා නිම කරනු මිස
රාහුලගේ ජීවිතය
බැහැ දුකේ හෙළන්නට
ඒ නිසා නිවන් මග
අත් හලෙමි මම සිතින්
නුඹට දුක් දෙන්න බැරි
නිසා මා ඉමි තවත්
කන්ථක සහ ඡන්න
කෙතරම් බලා සිටියත්
බැහැ නොවැ මට යන්න
තනිකර 
රාහුල සහ නුඹව
නිවන පෙනී පෙනී...
දුක දරා සිටින
මම නුඹේ අසරන
සිදුහත් වෙම්...

තනිකඩයාගේ කවිය......


ගැහැණිය ප්‍රෙහෙලිකාවකි කෙලවරක් නැතී
හතර අතේ නොම විසඳුනු කොටු ද ඇතී
පහලට හරහටද කිසි තේරුමක් සිතී
තෝරාගනු අවැසි හිත ඔබගේ පිහිට පැතී


අකමැති දේ නිතරම කැමතිය කියන
බොරුවට දුක මවන කඳුළැලි වගුරවන
අවිහිංසක හිනාවෙන් නිරතුරු මුව සරන
ඇය නම් මහා වදයකි හදවත දවන


නිතරම හිනා මුව හිතයට කේන්තිය
දිලිසෙන දෑස් යට මැවෙනා කාන්තිය
නලවන කථා දෙකනට මී බිඳු වැනිය
දැක රැවටුනේ ඇය ගේ බොරු ශාන්තිය


දඟයුග නලව නලවා යන ගමන හැඩ
දැක තරැණයින් ඈ දෙස කෙළ හලනු ඇත
කුණු සිරුරට යටින් ඇති මහ බොරුව දැක
කළකිරුනේ සොයා යන්නට නිවන් සැප


බොරුවෙන් හිනාවෙන් කරනා රැවටිල්ල
පිරිමන් මත් කරයි මේ සුන්දර කෙල්ල
පියයුරු යුගල දඟලනු හැටි දැක හොල්ල
මන්මත් වෙලා මොකදැයි මේ ගොල්ල


ආසාවනුත් ආලය දෙක පටලවලා
තෝරා ගන්න බැරි තරමට මද කිපිලා
තේරැම් නොගත් ඇය හා අතිනට පටලා
දුක් විඳනට හදන්නේ ඇයි මේ හැටි නුඹලා


කොල්ලන් මුලා කරනා එක හරි ලේසී
පොරව පාර ඒකට ගෙන දෙයි වාසී
දියවැඩියා වැඩිවෙන බව දැන ලේසි
රස කර කර කනවා වගේ මුන් පැණි දෝසී


ආලය මහා වදයකි හදවත දවන
ප්‍රේමය බොරුවක්ය නැහැ ඉන් කිසි සරණ
මේ හැම මහා පැටලීමකි නොම ලිහුන
කවදා ලඟා වේවිද දිවියට නිවන


ලංකරගන්න දඟලන උන් ඇත බෝම
ආදර බස් දොඩා හිත රවටනු ඇත තාම
ලං උන උන්ගේ දුක කට ඇර නොකියාම
දුක් විඳිනවා හිතමින් කල මෝඩකම


කිසි දැන හිතට තිනකම නොම දැනේවා
ගැහැණිය ඇති ලොවක යළි නොම ඉපදේවා
ප්‍රේමය සොයා යලි නොම අවුලක් වේවා
හැමදා ලඟින් උන් “අතටම“  ජය වේවා..

Thursday, January 19, 2012

ජීවිතය හැරී බලමි - ‍සිව්වැනි පැටළුම...


"ජීවිතය හැරී බලමි" නැවතත් ලියන්න කියලා හිතුනා..... මේ කථාව මුල කොටස් කියවලා නැත්නම් මේ තියන පාර දිගේ ගිහින් ඒවත් කියවලාම එන්න...

ජීවිතය හැරී බලමි - පලමු පැටළුම

ජීවිතය හැරී බලමි - දෙවැනි පැටළුම

ජීවිතය හැරී බලමි - තෙවැනි පැටළුම 

----------------------------------------------------------------- 

එහෙනම් හෙම උදේ එන්න... වෙනදා වෙලාවටම.... පාලම ලඟ බස් හොල්ට් එකට... හරියටම 8.00 ට මම එන්නම්....

හා... අනේ මට බයයි... හෙට ඉරිදා... රොහාන් එයිද කියලා.. 

එහෙම නම් කමක් නැහැ... අපි වෙන දවසක යමු... 

එපා... අපි හෙට යමු... මට ඔනි ඔයත් එක්ක ඉන්න...  

අනු එහෙම කියලා මගේ අත මිරිකගත්තා..


හ්ම්.... තප්පර .. විනාඩි වෙලා කාලය ගෙවුනේ අපිටත් නොදැනිම.... මම හිමීට අනුගේ අත හරවලා වෙලාව බැලුවා....

"අනු...."

හ්ම්.. මෙච්චර වෙලා මගේ උරහිසට තියාගෙන හිටපු ඔලුව උස්සලා.. පියාන හිටපු ඇස් දෙක බාගෙට ඇරලා මගේ දිහා බැලුවේ.... 

"මට මෙහෙම ඉන්න දෙන්න ජානක... ඔයාගේ උණුහුමට වෙලා ඉන්න ඕනේ මට....."

"7 ට කාලයි.... ඔයාට පරක්කු නැද්ද.. ?..."

"අපි යමු දැන්..... අපි අත් පටලගත්තේ ආයිත් කවදාවත් කාටවත් අපිව වෙන් කරන්න බැරි වෙන තරම් තදින්...."

එදා අනු..ව බොරුල්ලෙන් බස් එකට නග්ගලා ගෙදර ගියේ හීන ගොඩක් හිතේ මවාගෙන.... හෙට දවස ගැන... අපේ අනාගතය ගැන....පුංචි ගෙදරක් ගැන.....
මම හිතනවා වැඩිද මන්දා... වෙලාවකට එහෙමත් හිතුනා......

නින්දත් නොනින්දත් අතර තවත් දිගු රැයක් ගෙවුනේ අලුත් බලාපොරොත්තු හිතේ මැවෙන අතරේ..

---------------------------------------

යාළුවෙකුගෙන් ඉල්ල ගත්ත බයික් එකේ කුරැල්ලා වගේ අන්ව හොයාගෙන ගියා... ඈත තියාම දැක්ක ඈ ඉන්නවා.... බස් නැවතුමේ... තාමත් ආදරෙන් මතක් කරන්න පුලුවන් ඒ මොහොත... ලා කහ පාටට හුරැ බ්ලවුස් එකකුත්... දුඹුරු පාට රුළි වැටුනු දිග සායත් අනුට හොහොම හොඳට ගැලපුනා.... ආව වේගෙටත් වඩා වේගෙන් මම අනු ලඟට පියෑඹුවා.... වේගෙන් ගිහින් ඈ ලඟ නවත්තනකොට අනු බය වෙලා පස්සට පැන්න....

හරි නරකයි ජානු.... මම බය උනා.... මගේ පපුවත් ගැහෙනවා තාම... පලවෙනි වතාවට "අනූ" එහෙම ඇමතුවේ....

කෝ බලන්න... හෙල්මට් එක අන් අතට දෙන ගමන් මම කිව්වා...

දෙනවා පාරක හරිද ? ඕවට ආවොත්... පුංචි එකෙක් වගේ "අනූ" හුරතල් උනා...

"අනූ" වත් දාගත්තු බයිසිකලේ අතුරැ පාරවල් දිගේ ගිහින් නතර උනේ ගම්පහ නයෝමි එක ඉස්සරහා.... අනන්තවත් මේකට ඇවිත් තිබුනත් අද දැනෙන්නේ අමුතු හැඟීමක් කියලා හිතුනා...

කළුවරේම අපි "සෙයිලම" බලන්න පුටුවලට බර උනා... ඉරිදා දවසක් නිසා මුලු බැල්කනියම හිටියේ ජෝඩු... පටන් අරගෙන ටික වෙලාවක් යනකොට ඒ අය ඒ අයගේ ලෝක වල... අපි අපේ ලොකේ තනි උනා...

"අනූ" මගේ උරහිසේ ඔලුව තියාගෙන ඇස් පියාගත්තා..... අපේ අත් පැටලිලා.... මම "අනූ" ගේ කරවටේ අතදාලා තවත් එයාට මගේ ලඟට ලං කරගත්තා....

ජානු.... අපිට හැමදාම මෙහෙම ඉන්න ලැබෙන එකක් නැහැ... රොහාන්ට මගේ වෙනසක් තෙරුන දවසට එයා හොයන්න ගනියි...

ඔයා දන්නවා මට බැහැ එයාට ආදරය පෙන්නන්න...මවා ගත්ත හැඟිමකින් හැසිරෙන්න....

එයා දැන ගත්තොත් අපිට ඉන්න ලැබෙන එකක් නැහැ කවදාවත්ම... අම්මා කැමතියි රොහාන් මහට හරි මාව බඳිනවට... මගේ අකමැත්ත නිසා තමයි මේ තරම් කල් ඉන්නේ...

මේ වගේ දෙයක් ආරංචි උනොත් එයා මගේ නිදහස නැති කරලා දායි.... ඔයාට උනත් කරදරයක් කරන්න බැරි නැහැ ජානු.. එහෙම උනොත් අපි මොකද කරන්නේ ජානු...

උතුතර දෙන්න බැරි ප්‍රශ්ණ පත්තරයක් ඉදිරියේ තියලා අනු මගෙන් උත්තර ඇහැව්වා...

ලෝකේ තියන ඔක්කොම ප්‍රශ්ණ ඔලුවේ තියාගෙන ආදරය කරන්න බෑ "අනූ"... එන විදියට මුන දෙමු.... මම ඔයත් එක්ක ඉන්නවා... මොන දේ උනත්.... මොන ප්‍රශ්නේ ආවත් මම ඔයාව රොහාන්ට උදුර ගන්න දෙන්නේ නැහැ... සත්තයි.... මාව විශ්වාස කරන්න....

මාව තනි කරන්න එපා ජානු..... අනු තවත් මගේ පපුවට තුරුල් උනා... හුස්ම දැනෙන තරමට..... 

ඇස් පියාන ඉන්න "අනූ" ගේ නලලත පලමු වතාවට මගේ දෙතොලින් උනුසුම් උනා.... 

"අනූ" ගේ කඳුලු පිරුනු ඇස් දෙක මගේ මුන ලඟට ආවේ අපේ දෙතොල් එකිනෙකට යාකරමින්.... තව මොහොතකින් මේ ලෝකේ විනාස වෙයි කියලා බයේ අපි දෙතොල් සිපගත්තා.... 

ඊට පස්සේ තප්පර කීපයක් නිහඬව හිටිය "අනූ" මගේ පපුවේ මුන ඔබාගෙන අඬන්න ගත්තා..... ඉකි ගගහා.... ඔලුව ගැස්සෙන විදිය බලා ඉඳිද්දි මගේ ඇස් බොඳ උනේ මටත් නොදැනීම....

මට මේ උණුහුම හැමදාමත් ඕනේ ජානු... මාව කාටවත් උදුරගන්න දෙන්න එපා.... ඇඬුම් අතරින් "අනූ" කෙඳිරැවා.......

මහා විනාශයක් අත ලඟම... බලාපොරොත්තු වෙන්න....ඉදිරියේ දී....

Sunday, January 15, 2012

නොබැඳපු උන්‍ දන්නේ නැති.. බැඳපු උන් කියන්නේ නැති කථාවක්...



ලෝකයේ බොහෝ සත්වයන් පිළිබඳව අධ්‍යනය සහ ගවේශණය කිරීම තුලින් ඒ ඔවුන් පිළිබඳව සහ ඔවුනගේ චර්යා රටාවන් දැනගැනීමටත්, වටහා ගත හැකිය. නමුත් ‍කොතෙකුත් අධ්‍යන කලත් ගවේශණය කලත් නිවැරදිව තේරැම් ගත නොහැකි එක් සත්වයෙක් මේලොව තුල ඇත... ඒ මිනිසාය...අපට බොහෝ අවස්ථාවල අපව තේරුම් ගත නොහැක.. එසේ තිබියදී අප අනෙකා තේරුම් ගැනීමේ අසාර්ථක උත්සහායක නිරතවෙමු.  

සාපේක්ෂ වශයෙන් ගත් කල ගැහැණියට සාපේක්ෂව පිරිමියා තේරුම් ගැනීම පහසුය... පිරිමියෙකුගේ චර්යා රටාවන් බොහෝ විට  ඒකාකාරීය. දවස ගෙ‍වන්නේ එකම න්‍යාය පත්‍රයක් අනුවය... අවදිවීමේ සිට නින්දට යාම දක්වා සෑම දිනක්ම බොහෝවිට ඒකාකාරීය.. කිසිවිට ඔහු ඒ කෙරෙයි කළකිරීමක් හෝ අකමැත්තක් ඇතිකර නොගනී.. සමහර දේ පුරැද්දට මෙන් කරයි... හිතන්නට බොහෝ දේ නැත.. ඇඳුම් පිළිබඳව හෝ අමතර ආයිත්තම් පිළිබඳව මහා දෙයක් නැත... බොහෝ විට සරළය... කාන්තාව එසේ නොමැත... ඒකාකාරී රටාවකට ඇයි අකමැතිය.. නිතරම යම් වෙනසක් බලාපොරොත්තු වේ..සෑම දෙයකින්ම වෙනස් වීමට ඇය ප්‍රියකරයි... ඇඳුම් පැළඳුම් ද... ආභරණද.... එක් වරක් ඇන්ඳ පසු කාලයක් නැවත නොඅඳිය....කොන්ඩා මොස්තරය වෙනස් කරයි....ගෙදරක බඩු භාහිරාදිය නිතරම වෙනස් කරයි... අල්මාරියෙහි ඇඳුම් පිළිවෙල නිතරම වෙනස් කරයි.... 

බොහෝ අවස්ථාවල පිරිමියා මේ සම්බන්ධයෙන් දක්වන්නේ විරොධාකල්පයකි.. ඔහු වෙනසට අකමැතිය... යමක් වෙනස් කිරීමේ දී දෙවරක් නොව ඊට වඩා වැඩි වාර ගනනක් කල්පනා කරයි.... යමක් තියන ආකාරයෙන් තිබීම තුල යම් හානියක් නෙවේ නම් එහි වෙනසක් අපේක්ෂා නොකරයි.. නිතරම නිවෙස් තුල බහින්බස් වීම්, සිත් රිදවීම් ඇති‍වීමට මේ චර්යාමය වෙනස බලපායි...

පිරිමියා බොහෝ විට යමක් සම්බන්ධයෙන් අදහස් දැක්වීමේ දී දෙවරක් සිතයි.... එය යම් අයෙකුගේ සිත් රිදවීමක් ඇත්වේද.. තමා වටා සිටින්නන්ට ඉන් හානියක් වේද ?... යන්න පිළිබඳ දැඩි අවධානයක් යොමුකරයි... කෙනෙකු සම්බන්ධයෙන් යමක් ප්‍රකා‍ශ කරන විට පවා බොහොමත්ම ප්‍රවේසම් වේ.. කාන්තාවන් ඊට හාත්පසින්ම වෙනස්ය... ඕනෑම තැනක දී  කව්රැන් කෙසේ සිටියද ඇය තම අදහස ප්‍රකාශ කරයි... ඉන් වෙන හානිය පිළිබඳව ඇයට වැදගත් නොවේ.... සිත් රිදවීම්  ගැන කිසිම වගක් නැත... එමෙන්ම කාන්තාව බොහෝ ඉක්මනින් තමන් වෙත චෝදනා එල්ලකර ගනී.. යම් කෙනෙක් වෙ‍නකෙකු වෙනුවෙන් කියන දේකින් පවා රිදවා ගනී...  අනුන්ගේ දෙයකට හෝ කිසිම ‍සෙවිල්ලකින් තොරව කිපේ.... ක්ෂණික ප්‍රතිචාර දක්වයි....පිරිමියා බොහෝ විට ක්ෂණිකව ප්‍රතිචාර දක්වන්නේ නැත... ඔහුටම එල්ල කල චෝදනාවක් හෝ වේවා නෑසුකන්ව සිටීමට ප්‍රියකරයි.... සමහර අවස්ථාවලදී නැන්දම්මා ලේලි ගැටළුවට මැදිවන බොහෝ පිරිමින් කරන්නේ නෑසුකන්ව සිටීමය... 

පිරිමියා එදිනෙදා බොහෝ දේ ගැන වෙන්වෙන් වශයෙන් බැලීමට ප්‍රියකරයි... බිරිඳ, රැකියාව, දරැවන්, දෙමව්පියන්, බිරිඳගේ දෙමව්පින්, සහෝදර සහෝදරියන්, වාහනය, නිවස ආදී වශයෙන් වෙන් වෙන් වශයෙන් සැළකිලිමත්වේ... ඔහු මේ එක් දෙයක් ගැන කථා කිරීමේ දී ඒ අදාල දේ පිළිබඳවම පමනක් කථා කිරීමට ප්‍රවේශම් වේ... එකිනෙකෙහි සම්බන්ධයක් නැත. කාන්තාව එසේ නොවේ....ස්වාමිපුරැෂයා රැකියාවට සම්බන්ධය... රැකියාව වාහනයට සම්බන්ධය... සහෝදරයින් නිවසට සම්බන්ධය... දෙමව්පියන් සහෝදරියින්ට සම්බන්ධය.. ඇයි බොහෝ විට යමක් පිළිබඳව කථාකිරීමේ දී එකකට එක සම්බන්ධ කොට කථා කරයි... එක් ප්‍රශ්ණයක් විසඳීමට උත්සහ කිරීමේද  තවත් ප්‍රශ්ණ කීපයක් පැනනගින තත්වයක් දැක ඇත..

පිරිමින් බොහෝ විට ප්‍රශ්ණ ගැන කථා කිරීමට අකමැතිය.. ඔවුන්ට යම් ප්‍රශ්ණයක්, ආතතියක් ඇතිවු අවස්ථාවක ඔහු බොහෝ විට කරන්නේ නිහඬව සිටීමය... සමහර අවස්ථාවලදී ඔහු තනිව සිටීමට උත්සහ කරයි.. දුම්පානය කිරීම හෝ මත්පැන් පානය කිරීම කරන්නේ ඔහු ඒ නිසා ආතතිය අඩු නොවන බව නොදැන  නොවේ.. නමුත් ඒ කාලය බොහෝ විට තනිව සිටීම තුල ඔහු සිය ආතතිය හෝ ගැටළුව පාලනය කරගනී... බොහෝ විට පිරිමින් තනිව සිටින අවස්ථා කාන්තාවන්ට ගැටළු මතු කරයි.. ‍‍"මොකද ‍අනේ ඔයාට වෙලා තියෙන්නේ..? මොකක්ද ප්‍රශ්ණේ.. මට කියනන් බැරි දෙයක්ද ? ඇයි මට කියන්න බැරි ?".... ‍පිරිමියාගේ මේ හැසිරීම කාන්තාවට මහත් ප්‍රශ්ණ ගෙනදේ....  

නමුත් කාන්තාව එසේ නොවේ, ඇය බොහෝ විට ඇතිවන ප්‍රශ්ණයක් හෝ ඇතිවන මානසික ආතතිය පිට කරයි... නිතරම ඒ ගැන කථා කරයි... මේ අවස්ථාවලදී ඇය බොහෝ විට පිරිමියාගේ ඇහුන්කන් දීම බලාපොරොත්තු වේ...අවධානය බලාපොරොත්තු වේ.. බොහෝ විට පවුල් තුල ප්‍රශ්ණ ඇති කරන්නට මේ ඇහුම්කන් දීම හෝ නොදීම බලපායි.. ඊට හේතු වන්නේ පිරිමියා ඇහුම්කන් දුන් පසු ඒ සම්බන්ධයෙන් පිලිතුරු ලබාදීමට හෝ සහාය වීමට උත්සහා කිරීමයි.. නමුත් බොහෝ විට කාන්තාවන් බොහෝ ගැටළු සම්බන්ධයෙන් පිලිතුරු බලාපොරොත්තු නොවේ... ඇයට අවශ්‍ය තමාගේ ප්‍රශ්ණයට ඇහුම්කන් දීම පමනය... බොහෝ ගැටළු ඇය ඔබට පවසන්නේ ඒවා විසඳාගැනීමෙන් පසුව විය හැකිය... නමුත් ඒසේ කියා ඔබට ඇහුම්නක් නොදී සිටීමෙන්ද පවුල තුල ගැටුම් ඇතිවේ....  


විවාහකයින්ට තේරැම් ගන්නටත්.. අවිවාහකයින්ට හැදෙන්නටත් අපි මේ ගැන කථා කරමු... මීලඟ ලිපියෙන් තව දුරටත්.... 

මේක ලියන්න හේතු උනේ සබියා ගේ  අයි ඩෝන්ට් නෝ වයි? ලිපි පෙළ බව මතක් කරන්න කැමතියි..


(ඇනෝ ඇතුලු සියලු අදහස් සංවාදයට හේතුකාරණා වේ)

Friday, January 13, 2012

මානව හිමිකම්කාරයා....

"කාරයා" යන්නේ හි අරුථ ක්‍රියාවේ යොදවන්නා යන්නය...එය අතීතයේ "කාරිය කරනවන රාළ" යන්නේ හ බිඳී ආ කොටසක් විය හැකිය.... මාළුකාරයා..කිරිකාරයා....ලියුම්කාරයා..පොලිස්කාරයා....යනුවෙන් බොහෝ විට භාවිතා කරන්නේ ඒ ඒ කාර්යන් හී නිරත වන්නන් නොහොත් යමක් යම් කාර්යයක් ක්‍රියාවේ යොදවන්නන්ය... ඒදත් අදත් හෙටත් "මානව හිමිකම් කාරයා" ලෙස හඳුන්වන්නාද කරනුයේ ඒ හා ‍සමානම කටයුත්තකි... මානව හිමිකම්කාරයා යනු පොතපතෙහි හා නීති සංග්‍රහයන් හී මානව හිමිකම්, පුද්ගල අයිතිවාසිකම් සැබෑවක් කිරීම උදෙසා කටයුතු කරන්නෙකි.... එය මානව හිමිකම්කාරයා ජීවිතය ලෙස සලකා කටයුතු කරන අවස්ථා අනන්තවත් දැක අත්විඳ ඇත..

මේ ‍කුමන ආකාරය කටයුතු කලද පොලිස්කාරයා මෙන්ම මානව හිමිකම්කාරයන්ද අනන්තවන් ඇනුම් බැනුම් වලට ලක්වෙන... සමාජයෙන් මෙන්ම තමන්ගේ පවුල තුල පවා කෙනෙහිළිකම් වලට ලක්වීම නොවැලැක්විය හැකිය.. පොලිසිය බොහෝවිට චෝදනාවට ලක්වන්නේ නියමිත රාජකාරිය ඉක්මවා වැඩ කරන්නට යාම හෝ නීතියට පිටින් කටයුතු කිරිම හේතුවෙනි.... මානව හිමිකම්කාරයා කරනුයේ එවැනි අවැඩක් හෝ අවනීතියක් සිදුවන විටි එය පෙන්වා දීමත්.. ඒ පිළිබඳව සමාජය දැනුවත් කිරීමත් ඒ පිළිබඳව යම් මතයක් ගොඩනැගීමත්... අගතියනට පත් පාර්ශවයන්ට යම් සහනයක්...අස්වැසිල්ලක් ලබාදීම උදෙසා කටයුතු කිරීමත්ය...

මෙහිදී මානව හිමිකම් කාර‍යා බොහෝ වටි පෙනී සිටින්නේ අපේ රටේ මානව හිමිකම් සම්බන්ධයෙන් වඩාත්ම වැදගත් ‍ලේඛණය වන්නේ 1978 ආණ්ඩුක්‍රම ව්‍යවාස්ථාවයි. එහි 3 වන පරිඡ්ඡේදයේ 10 වන වගන්තියේ සිට 14 වන වගන්තිය දක්වා කොටස “මූලික අයිතිවාසිකම්” ලෙස ශ්‍රී ලාංකික පුරවැසියෙකුට අදාල වෙන අයිතිවාසිම් දක්වා ඇත.  බොහෝ විට මානව හිමිකම්කාරයා කථා කරනුයේ හෝ පෙනීසිටිනුයේ වෙනත් රටකින් හෝ බටහිරින් මෙරටට ගෙනා දේවල් ගැන නොවේ... ශ්‍රී ලංකා ප්‍රජාතන්ත්‍රවාදී සමාජවාදී ජනරජයේ ආණ්ඩුක්‍රම ව්‍යවස්ථාවේ මගින් ආරක්ෂාකොට ඇති අයිතිවාසිකම් උල්ලංඝනයන් සම්බන්ධයෙනි.  අතීතයේ සිටම පැවත එන පුද්ගලය ගරැත්වයත්... නිදහසත් සම්බන්ධයෙනි. ලෝක ඉතිහාසයේ පලමු ලිඛිත මානව හිමිකම් ලේඛණය වන මැග්නකාර්ටා ගිවිසුම ගැන සඳහන් වනුයේ 1215 දී පමනය.... ශ්‍රී ලංකාවේ වධ හිංසාවට එරෙහිව මුල් වරට පුද්ගල නිදහස හා අයිතීන් ගැන සඳහන් වනුයේ 1815 කන්ඳ උඩරට ගිවිසුමේය...  


අපට මානව හිමිකම් සම්බන්ධයෙන් එවැනි ඉතිහාසයක් ඇත.... බෞද්ධ දර්ශණයද... කිතු දහමද.. ඉස්ලාම් ආගමේද.. හින්දු ආගමේ ද මුලික හරය වන්නේද අවිහිංසාවාදයත්... අන්අයට ගරැ කිරීමත් වේ... එමෙන්ම විවිධ ජාතක කථා... බයිබලය තුල පවා මානව හිමිකම් මහා සම්බන්ධ විවිධ සිද්ධින් අපට හමුවේ... මානව හිමිකම් යනු බටහිර සංකල්පයක් නොවේ... එහි සැබෑ හිමිකරැවන් වන්නේ අපය..

මේ ගැන කථා කිරීම, මේවා සම්බන්ධයෙන් දැනුවත් වීම කෙතරම් වැදගත් දැයි මේ විඩියෝ පෙළ නැරඹීමෙන් පසු නැවත හිතන්න...
video

video

video


video

video

මේ විවිධ රටවල් වල පොලිසිය විසින් කරන ලද පුද්ගල පහරදීම් කැමරාවන් හී සටහන් වී ඇති ආකාරයයි....අපේ රටේ අනන්ත අප්‍රමාණ මෙවැනි පහරදීම් සිදුවුවද කිසිම දවසක මෙවැනි රෑප මාධ්‍යක සටහන් වීමක් වාර්ථා වී නැත... ශ්‍රී ලංකා පොලිසිය පහර දෙන්නේ සාක්ෂි ඉතුරුකර නොවේ....ලංකාවේ නීති පද්ධතිය අනුව කිසිම ආකාරයකින් පහරදීම්, ශාරීරිකව හා මානසිකව සිදු කරන පහරදීම් තහනම් කර තිබේ.. පොලිසිය බොහෝ විට පහරදීම් ගැන කථා කරන අවස්ථාවලදී දක්වන කාරණය වන්නේ පහර දීම් කරන්නේ තොරතුරු ලබා ගැනීම සදහා බවයි....එය කොතෙක් දුරට සාධාරණ දැයි තීරණය කිරීම ඔබට බාරය.... දිනක මේ පහර දීමට ලක් වන්නේ ඔබ විය හැකිය...


එදා ජර්මනියේ නාසිවාදීහු..
පලමුව ඝාතනය කලේ යුදෙව්වෝය..
මම නිහඬව සිටියෙමි..
මන්ද මම යුදෙව්වෙකු නොවන නිසාය..
ඉන්පසු ඔවුන් කොමියුනිස්ට්වාදීහු සොයා පැමිනියහ..
මා කුමක් කියම්ද..
මා කොමියුනිස්ට්වාදියෙකු නොවන නිසා..
ඊලඟට ඔවුන් සොයා පැමිනියේ වෘත්තීය සංගම් නියෝජිතයන්ය..
මා නිකං බලා සිටියෙමි..
මා වෘත්තීය සමිතියකට අයිති නැහැ නොවැ..
ඉන්පසු ඔවුන් කතෝලිකයන් සොයා පැමිනියේය..
මා බිය නොවුයේ මා පොතෙස්තන්ත්‍රයෙකු වූ නිසාය..
ඔවුන් අවසානයේදී..
මා සොයා පැමිනියේය...
එවිම මා‍ වෙනුවෙන් කථාකරන්නට කිසිවෙකු සිටියේ නැත..


 (මාටින් තිමලෝර් පියතුමා - ජර්මනියේ සිරගෙදරකදී)

-හදවතට  තට්ටු  කර බුද්ධියට ඉ‍ඩ දෙන්න-
(සියළු විඩියෝ අන්තර්ජාලයෙනි)

Wednesday, January 11, 2012

වෙනස.....(පොඩි උන් බලනවා ‍එහෙම නෙමෙයි...මේක +18)


හ්ම්                                                                                                                                                   ඇයි
සීතලයි                                                                                                                                   මොකෝ මේ
කිති අනේ                                                                                                                           පේන්නේ නැද්ද
දැනෙනවා හුස්ම                                                                                                                            මම වැඩ
ඇඳලද                                                                                                                                  මදනය ගහලද
නැහැ                                                                                                                                        මේ පාන්දර
රස්නෙයි                                                                                                                                      කටේ ගඳ
දැනෙනවා                                                                                                                                මළ කරදරේ
මිරිකමුද                                                                                                                             මොන මගුලක් ද  පොල්                                                                                                                             පොල් හැම තැනම
හා                                                                                                                                         යනවද යන්න
ගෑවෙයි                                                                                                                       මෙතන මට වද නොදී
ගල් වෙලා                                                                                                                               ඇස් පොට්ටද
උල් වෙලා                                                                                                                                මම උයනවා
සනිපයි                                                                                                                             කෙල හැමතැනම
කොල්ලෝ                                                                                                                           අප්පිරියාවේ බෑ
ආආආආආආහ්...                                                                                                                 මොකද ඕයි මේ
ආදරෙයි                                                                                                                                       මට බැහැ
උයන්න පරක්කු                                                                                                                         එකසැරයක්
අද කඩෙන් කමු                                                                                                                  කිව්වම අහනව ද
හා...                                                                                                                                          වනචරයා