කළු ගල් හිත....

කළු ගලක් වගේ මහා ලොකු

ලේසියෙන් රිදෙන්නැති

පහසුවෙන් වැටෙන්නැති

කාටත් නැවෙන්නැති

හිතක් තිබුනා මට

නුඹ ඇවිත් ඒ හිතට

ආදරේ පෙන්නලා

සෙනෙහසින් ලංවෙලා

රස රහස් කොඳුරලා

මාව වල් මත් කලා

අයිති කරගන්න මට

හිතාගෙන මම හිටියට

නුඹ අයිති ලෝකයට

නුඹේ වට පිට උන්ට

මට කොහේද අයිතියක්

නුඹ ලෝක උරැමයක්

මට නැති අයිතියක්

මේක මහ කරැමයක්

ඉතිං ඉල්ලමි කෙසේ

මගේ අයිතිය නුඹේ

මා අයිති නැති කල නුඹට

‍ඉතිං අවසරයි එහෙනම්

හදවතින් සමුගන්න

ඉඩ දෙන්න තනිවෙන්න

නුඹෙන් ඈතට යන්න

යලිත් නුඹ වෙත එන්න

එපා මට ඉඩ දෙන්න

තනිකමට හුරු වෙන්න

පුරුදු ලෙස තනිවෙන්න

ඉතිං මට ඉඩ දෙන්න...